Kaise Ghar Ko Khushhaal Banaye – Jarur Jane

Hello friends kese ho. Humare blog par aap sabhi ka ek baar fir se swagat hai. Dosto aaj ka article hai ki, “Kaise Ghar Ko Khushhaal Banaye”. Dosto aapko ye baat manani hogi ki ghar ko khushhaal banane ke liye ghar ka environment bhi wesa hona chahiye. Ghar ko khushhaal banane ka mtlb ye hai ki pariwar ke sabhi member khush ho aur ye tabhi ho sakta hai jab aap ek dsuare ka khyaal rakhe, ek dusare ko samajhe aur ek dusare ke sath jyada se jyada time spend kare. Agar ye sabh kuch aapke ghar me hai to iska matlb hai ki aapka ghar khushhaal wala hai. Par kayi log ese bhi hai jo bahar me khush rahte hai but ghar par khush nahi rah pate. Iske piche asli reason ye hai ki aapka ghar ka mahool wesa nahi hai jesa aap chahte ho. Dosto is article me humne kuch ese tariko par baat kari hai jiske bare me aapko pata hona chahiye. Agar aap vastushastra ko mante hai to ye tarike aapke ghar par jarur kaam karenge. So, please check out below…………………………………

Kaise Ghar Ko Khushhaal Banaye – Jarur Jane

Ghar Ko Acha Rakhe

Agar hum vastushashtar ki baat kare to jaha par aap rahte hai us ghar ka aapar bahut asar padta hai. To ese me aapke ghar ki condition kesi hai wo bahut matter karta hai. Niche kuch formule bataye gaye hai.

1. Ghar Ko Saaf Sudhara Rakhe

Agar ghar ganda ho ya ghar me saaf safayi na ho to ghar me negativity aati hai jiska asar aapar bhi padta hai. Ghar me negativity hone se aapki soch aur vichar negative ho jate hai. Ese me ghar me khushhali kaise ban sakti hai. Sabse pahle ye dekhe ki aapka ghar saaf sudhara hai ki nahi. Agar hai to thik but agar nahi hai to ghar ko saaf sudhara banaye. Saaf sudhara ghar positivity ko invite karta hai aur ye aapke ghar ke liye bahut acha hai.

2. Diwaro Ka Color Light Rakhe

Aap logo ko shayad pata nahi hoga ki diwaro ke color se bhi aapke ghar ke mahool ka pata chal jata hai. Color se insaan ke dimaag aur mood par bahut farak padta hai. Ache mood aur dimaag shant rakhne ke liye aapko ghar ke diwaro me white color karna chahiye. Ho sake to red color na use kare, red color bhadhkata hai. Iske alawa agar aapko koi aur color pasand hai to light color ko chunana hi sabse best rahega.

3. Samaan Kam Rakhe

Ghar me wahi samaan rakhe jinki jarurat hai jo daily kaam me aate ho. Jyada samaan rakhne se ghar me khichi pichi bahut ho jati hai. Ese me ghar ke members ko gussa aane ke chance jyada ban jate hai. To ghar par samaan kam hi rakhe to acha hai. Agar aap faltu samane ko store room me rakhne ki soch rahe hai to store room ko time to time saaf karte rahe.

Ghar Ko Khushhaal Banane Ke Liye Kya Kare

Upar humne ghar ko saaf karne ke bare me bataya tha but is section me hum aapko aur tarike batayenge jis ki help se aap ghar ko khushhaal bana sakte hai. Niche in tariko ko padhe aur follow kare.

1. Ek Dusare Ko Time De

Pariwaar tabhi pura banta hai jab family ke members ek dusare se baat kare. Ek dsuare se baat karne se ghar ka mahool acha rahta hai. Ek dusare ko time dene se aap sabhi ko pata chalta hai ki ek dusare ki life me kya chal raha hai. Sath me baith kar, haskar, apni problems batane ko hi ek khushhaal pariwar kahte hai.

2. Sabhi Ki Jarurato Ko Samjhe

Jis ghar me koi ek dusare ki kadar na karta ho aur na hi ek dusare ki jarurato ko samajhta ho to humare najar me wo ghar ghar nahi hai. Khushaal pariwar use kahte hai jis ghar me sabhi ek dusare ki jarurato ko samajhte ho. Khud ki khushi ko chhod kar pariwar ko khush karna, ese pariwar humare najar me khushhaal ghar kahlate hai.

3. Apni Baate Share Kare

Pariwaar me ek dusare se baat share karne se relationship strong banta hai. Agar aap kisi problem me hai to apne pariwaar walo ko bataye, ese me aapke family wale aapko suggest karenge aur problem solve karne ki kosish karenge. Agar aapke pass koi hasne wali baat hai to apne pariwaar walo ko bataye, isse ghar ka mahol khushnuma ho jayega.

4. Humesha Apni Aawaaj Niche Rakhe

Agar aap pariwaar ke bade hai to aapko is baat ka dhyan rakhna hoga ki apni aawaaj humesha nichi rakhe. Hum aapko esa isliye kah rahe hai kueki, aap hi ki aadate aape bache sikhenge. To agar aap tej aawaaj me ya tu tadaak me baat karenge to iska asar aapke bacho par bhi pad sakta hai. Ho sakta hai ki aapke bache baad me aapse bhi ese hi baat kare. Is tarah se to din prati din aapke relation aapke family walo se dur hota jayega. To apne bacho se baat kare, strict rules banaye.

To dosto hume umeed hai ki aapko humara ye wala article bahut pasand aaya hoga, hume apne opinon batane ke liye comment section me comment kare. Aur ha yar is article ko jitna ho sake utna share kare social media sites pe. Thanks and take care all of you.

Niche aur bhi article hai inhe bhi padhiye

loading...
SHARE
Previous articleJane Rishte Nibhane Ka Tarika – Jabardast Tarike
Next articleDushman Ko Kaise Haraye – Jane Jabardast Tarika

Hi, mera naam Pardeep Negi hai aur main blogger ke sath sath Web designer bhi hu. Main Gurumantr ka founder hu aur mujhe hindi article likhna acha lagta hai. Har cheez ki jaankari rakhna mujhe bahut pasand hai aur in knowledge ko main aap tak pahuchana chahta hu.

LEAVE A REPLY

Please enter your comment!
Please enter your name here