Life Me Khush Kaise Rahe – Jane Jabardast Tarika

Hello dosto kese ho, hume umeed hai ki aap sabhi ko humare sabhi article time to time mil rahe honge. Aaj ka article hai ki, “Life Me Khush Kaise Rahe”. Dosto har kisi ke liye khush rahna aasan kaam nahi hai, iske liye aapko bahut papad belne pad sakte hai. Insaan tabhi khush rah sakta hai jab wo apne se satisfy ho aur har pal ko enjoy karta ho. Aaaj ke time me har kisi ko sanctification bahut kam hi hoti hai. Research se pata chala hai ki, khush rahne ke liye ya khush hone ke liye kosish sabse pahle aap hi ko karni padti hai. Dosto khush rahne se aapka health bhi acha rahta hai. Ab aap soch rahe honge ki yar, “Ab khush rahne ke liye main kya karu”. To iska bhi jawaab humare pass hai, is article me hum aapko kuch tarike batayenge jis ki help se aap khush rahne me kamyaab ho sakte ho. So, please check out below……………………………………………………………

Life Me Khush Kaise Rahe – Jane Jabardast Tarika

Khud Me Changes Laye

Dosto jesa ki humane upar bhi bataya tha ki, khush rahne ke liye kosish aap hi ko sabse pahle karni hogi. Niche humne kuch tarike bata rakhe hai jis ki help se aap apne aapme kuch changes kar sakte ho.

1. Sabse Pahle Apni Soch Badle

Har insaan ki apni apni soch hoti hai aur usi soch se us insaan ka pata chalta hai. Achi soch wale log humesha kuch rahte hai aur baki logo ko bhi khush rakhte hai. Aap ye maan sakte hai ki achi soch wale logo me positivity bahut hoti hai. Agar buri soch walo ki baat ki jaye to unme negativity bahut hoti hai aur ese me wo kuch acha karne ke bare me soch nahi sakte. To dosto sabse pahle apni thinking ko change kare. Agar aapko lagta hai ki aapme bahut negativity hai aur positivity ke bare me bahut kam sochte hai to ese me aapko yoga aur meditation dono me se ek karna chahiye wo bhi regular. Inse positivity aati hai aur mind par control bhi rahta hai.

2. Negativity Ko Avoid Kare

Jesa ki humne aapko pahle tarike me bhi bataya hai ki, aapko khush rahne ke liye negativity ko khatam karna hoga. Aap ye samajh le ki aapke andar jo negativity hai wo aapko khush nahi dekh sakti. To dosto bhalayi isi me hai ki negativity ko hi chhod de. Agar hum sahi kahe to negativity ko chhod pana aasan nahi hai par mamumkin bhi nahi hai. Jab aapke dimaag me negativity aaye to turant positivity baato ko gaur kare. Agar fir bhi aapko lagta hai ki aap negativity ko khatm nahi kar pa rahe ho to aapko motivational aur self improvement books ya quotes padhne chahiye. Isse aapko bahut help milegi.

3. Moring Jaldi Uthe

Research se pata chala hai ki jo log subah jaldi uthate hai wo auro logo se jyada khush rahte hai aur unme positivity bahut hoti hai. Ab is baat me kitni sachayi hai ye to wo log jante honge jo morning me jaldi uthate hai. Wese bhi dosto morning me jaldi uthane ke bahut fayde hai, iske bare me aapko tabhi pata chal sakta hai jab aap bhi morning me utho. Dosto morning jaldi uthane ke liye aapko night me bhi jaldi sona hoga. Aur ha apni 8 ghante ki neend jarur puri le.

4. Exercise Ya Yoga Kare

Aap kisi se bhi puch lo ki :- Exercise aur Yoga kane ke kya fayde hai? sabhi ka yahi jawaab hoga ki, “isse aapki health achi rahti hai aur aap pure din bhar active rahte ho”. Dosto agar aap job karte ho ya ghar se jyada bahar rahte ho to aapko exercise aur yoga ki bahut jarurat hai. Morning me exercise aur yoga karna sabse best rahta hai.

5. Healthy Diet Se Din Ki Starting Kare

Dosto diet bahut matter karta hai aapki health aur aapke dimaag par. Aap kis tarah ki soch rakhte ho usse andaja lagaya ja sakta hai ki aapki diet kesi hogi. Healthy diet lene se aap fit and fine rahte ho aur aapka mind bhi healthy rahta hai. Jab aapka mind healthy rahega to aap automatically apne aap khush feel karoge. To dosto healthy diet me aap rich diet le sakte ho jese ki :- green vegetables, dry food, non-veg ya juice etc etc.

6. Khushi Dhunde

Agar aap apni khushi dhunde me kamyaab hote hai to aapko apni life achi lagne lagti hai. Ye soch kar mat dukhi hoye ki aapko koi cheez nahi mili balki un cheezo me khush hoye jo aapke pass hai. Jo aapke pass hai un cheezo me apni khushi dhunde, humara dawa hai ki aap khush rahna sikh jaoge.

Bahar Kaise Khush Rahe

Ab hum aapko is section me bahar khush rahne ke bare me batayenge. Hume umeed hai ki isse aapko bahut help milegi.

1. Ache Logo Se Mile

Khush rahne ke liye ache logo ke sath rahna bahut jaruri hai. To agar aapko lagta hai ki aapka friend circle acha nahi hai to aap chhod de aur ese friend circle ko dhunde jo acha ho aur humesha khush rahta ho. Naye naye logo se mile, unse baat kare aur jab aapko lage ki wo aapke friend banane ke layak hai to uske contact me rahe.

2. Dusaro Ki Help Kare

Dusaro ki help karne se bhi bahut khushi milti hai to dosto ye wali khushi aapko miss nahi karna chahiye, aur jab bhi aapko moka mile logo ki help kare. Jab aapko lage ki aap dusaro ke help karne ke layak ho to tab help kare.

3. Sabke Sath Acha Behave Rakhe

Acha behave logo ko pasand aata hai aur people ese logo ko pasand karte hai. To dosto sabhi ke sath acha behave rakhe. “Hi” se lekar “Thanku” bolne me sharmaye na aur haste hue sabse baat kare. Agar aapko lagta hai ki agla tarif ke layak hai to uski dil khol kar tarif kare. Kisi ko bura bolne ki jarurat nahi hai, hum to kahenge ki ese logo se dur hi rahe.

4. Apne Face Par Smile Rakhe

Face par smile rakh kar baat karne se samane wale ko saaf saaf pata chal jata hai ki wo aapke sath baat karke bahut khush hai aur ese me samane wala bhi aapse khush ho kar baat karta hai. To dosto humesha apne face par smile rakhne ki kosish kare.

To dosto aaj ka humara article pura ho chuka hai, humne apna opinion rakh diya hai. Agar aapko lagta hai ki iske alawa aur bhi tarike hone chahiye to aap hume comment ke through jarur bataye. Thanks and have a nice day.

Niche aur bhi article hai inhe bhi padhiye

loading...
SHARE
Previous articleJogging Karne Ka Sahi Tarika – Jarur Jane
Next articleAcha Din Kaise Bitaye – Aapko Jarur Janana Chahiye

Hi, mera naam Pardeep Negi hai aur main blogger ke sath sath Web designer bhi hu. Main Gurumantr ka founder hu aur mujhe hindi article likhna acha lagta hai. Har cheez ki jaankari rakhna mujhe bahut pasand hai aur in knowledge ko main aap tak pahuchana chahta hu.

LEAVE A REPLY

Please enter your comment!
Please enter your name here